Blues & Roots weekend 8. - 10. mars 2019

Velkomen til Brakanes Hotel og Blues & Roots weekend for 16.gong.

Årets artistar har stort spekter og skal femna om både blues, roots, rock`n roll og country! 

Fredag og laurdag kveld er det konsert og dans i storsalen frå klokka 22.00, i tillegg til ettermiddags-jam med Ulvik sin eigen Olav Undeland i resepsjonen laurdag klokka 16.00.

FIRMATILBOD:

Dersom du ynskjer å ta med tilsette og kollegaer til ei litt anleis og svært triveleg helg i Ulvik, tilbyr me rabatterte prisar for firma og grupper med minimum 10 deltakarar. Ta direkte kontakt med Ingrid: ingrid@bhghardanger.no

Prisar og bestilling:

Det er ikkje mogeleg å bestilla weekendopphald på nett. Online booking på våre nettsider er kopla direkte til booking.com, og pakketilbod inkl billettar er ikkje tilgjengelig der. Dette må bestillast direkte gjennom hotellet, på telefon eller epost.

Bestilling: brakanes@bhghardanger.no, eller ring 56 52 61 05

Weekendopphald:

Pris per person per weekend i standard dobbeltrom frå kr 3.300,-
Tillegg for enkeltrom, kr. 500,-
Prisen inkluderer middag fredag, frukost, lunsj og middag laurdag samt frukost søndag, og inngang til alle konsertane.

Fredag til laurdag:

Pris per person fredag til laurdag i standard dobbeltrom frå kr 2.000,-
Tillegg for enkeltrom, kr. 300,-
Prisen inkluderer middag fredag samt konsertar om kvelden og frukost laurdag morgon.

Laurdag til sundag:
Pris per person laurdag til sundag i standard dobbeltrom frå kr 2.100,-
Tillegg for enkeltrom, kr. 300,-
Prisen inkluderer middag laurdag samt ettermiddagsjam konsertar om kvelden og frukost søndag morgon.

Om ynskjeleg kan me tilby fleire oppgraderingar av rom: Nyoppussa rom med fjordutsikt, nyoppussa rom med fjordutsikt og balkong, 2 suitar og 1 juniorsuite. Ingenting er som å vakna til vår uslåelege utsikt over fjorden.

Billettar for gjester som ikkje bur på hotellet men kun ynskjer å delta på konsertane:

Fredag kr. 300,-, Laurdag kr. 400,- eller Weekendpass kr. 600,-. 

Desse artistane står på scena 8.-10.mars 2019

Frode Alnæs kjem attende og me gler oss storveges! Saman med bandet gjorde han stor suksess til tettpakka dansegolv for 4 år sidan, og me veit det svingar når han dreg kjente låtar som du berre MÅ dansa til.

Spellemanssnominerte Joakim Tinderholt & his band er å rekna for ein av notidas beste entertainere innan sjangeren R`n`B og Blues. Musikken er typisk old school blues med den klassiske røffe snerten som held liv i festen langt utover natta.  “Joakim, as a singer, guitarist and artist kicks ass through and through. I´ll put him and his band, and this record, up against anything going on in the Blues world today.” Kid Andersen (Charlie Musselwhite, Rick Estrin & The Nightcats)

Olav Undeland (Laurdag kl. 16.00)

Ulvik sin eigen bluesartist grev djupt i bluesarkiva når han fortel sine historiar. Olav Undeland sitt gitarspel og sjølvkomponerte låtar har det lette, leikne anslaget som kjenneteiknar mellom anna John Hurt som er ein av Undeland sine fremste inspiratorar. Då han sist stod på scena i Ulvik i 2018, fekk me også oppleva Olav saman med son sin. Ei lun og nær oppleving for alle tilhøyrande.

Baljelauget er eit heilt særeige band som veit å få sitt publikum med på notane. Og ja, dei spelar mellom anna på ein balje. Ein heilt super opplading til ein kjekk, musikalsk kveld!

JT Lauritzen & the Buckshot Hunters har turnert over heile verda sidan byrjinga av 90`talet og har ein heil bråte plateutgjevnader bak seg. Bandet har markert seg stort med fleire internasjonale prisar, seinast som semifinalist i IBC i 2017 og det er såleis svært røynde musikarar me skal ynskja velkomne opp på scena denne laurdagskvelden i Ulvik.

Chicksa kryssar fleire stilartar og det er forventa skikkelig trøkk når dei spelar musikk inspirert av country, rock og blues. Bandet består av 3 damer og nokre mannfolk med instrument og saman dreg dei ein kombinasjon av kjente og ukjente favorittlåtar. Fyll dansegolvet, det blir ein real avslutning på helga!


HANDLA LOKALT

Olav H. Haugesenteret og Ulvikatorget har ope 11.00-14.00 laurdag.

Ulvikatorget har i tillegg ope frå 10.00 til 14.00 sundag.

Syse Gard har ope gardsutsalet laurdag frå 11.00-15.00.


VELKOMMEN

Brakanes Hotel Group