Opplevelser & Aktiviteter

Brakanes Hotel ligg i sentrum av Ulvik heilt nede ved fjorden og er eit godt utgangspunkt for mange flotte opplevingar og aktivitetar i nærområdet. Her får ein alt frå adrenalinfylte aktivitetar til kulturell føde. Den storslåtte naturen inviterer til opplevingar heile året. Her er flott og variert turterreng, sommar som vinter.

Ta kontakt med vår salsavdeling for meir informasjon: 56526105 eller brakanes@bhghardanger.no

  Frukt – og Siderruta

Den einaste frukt- og siderruta i Noreg finn du i Ulvik i Hardanger. Alle 3 gardane tek imot grupper etter avtale for omvisningar og smaksprøvar, men legg vekt på å gje ulike opplevingar. Besøk ein eller legg opp til vandring mellom gardane. Opplevingar det smakar kvalitet av!     




  1. Hardanger Saft - og siderfabrikk

Heime på tunet ynskjer Nils besøkande velkommen frå fjern og nær. Nils Lekve er bonde og produsent av eplesaft, sider, eplelikør og det nye eplebrennevinet Apal. Omvisning i produksjonslokala, jordkjellaren og i gardsrestauranten.



 


2. Syse Gard - economuse

Allsidig gard med produskjon av frukt og lammekjøtt foredla og selt i eige gardsutsal. Gro og Hans ynskjer velkommen til gards og viser små og store rundt i produksjonslokala, i museumsdelen, i røykhuset  og i gardsutsalet.

I gardsrestauranten kan det førehandsbestillast lunsj og middag for grupper. Ekte gardskost - ekte opplevingar!

 

3. Ulvik Frukt & Cideri 

Asbjørn er leiar i Hardanger Siderprodusentlag og har mange års erfaring med fruktproduksjon. Mad mange gamle eplesortar på garden har Ulvik Frukt & Cideri stor breidde i eigenproduksjon av juice, sider og eplesidereddik med ulike smaksopplevingar. 

 


 

 Ulvikatorget

Kassaapparat Ulvikatorget lite

Ulvikatorget opna sommaren 2015 og er eit stort lokale i Ulvik sentrum som inneheld Turistkontor, glasblåse-verkstad, keramikk-verkstad og utsalg av lokale produkt frå mange leverandørar.
Her får du kjøpt både lokalprodusert mat og drikke samt handverk, og du kan sjå og vera med på glasblåsing og keramikk.


 

 

 Syse Glas

I Ulvikatorget sine lokale finn du glasblåsar Silje Syse. Alt ho lagar vert produsert av smelta glas som ho bles, formar og graverer slik ho eller du vil ha det. Kvart og eit produkt er laga for hand. Produkta skal ikkje gøymast i skåp, men brukast og visast fram. Signaturprodukta til Silje er glas, skåler og fat med hardangersaum-mønster, samt ølglas på stett med profilmotiv av ulvik-diktaren Olav Hauge.

Bestill gjerne omvisning der du får sjå Silje i aksjon, samt det går an å prøva seg som glasblåsar!

 

Kvemmadokkje Husmannsplass med flott utsikt over bygda

Kulturarena og serveringsstad med flott utsikt over bygda. Toril og Johan tek imot grupper der dei kan fortelja om husmannsplasset, ha omvisning og servering av kaffimat, lunsj eller middag. I husmannsstova kan det dekkast til 25 personar, i grindbygget til om lag 60. På garden kan ein også arrangera lagbygging, gjerne med hjelp frå ein av våre erfarne samarbeidspartar.

 

Olav H. hauge-senteret - Årets museum 2015

Olav H. Hauge-senteret er eit dokumentasjons- og formidlingssenter for Olav H. Hauges liv og verk og for lyrikk i mange former. I utstillinga blir du kjend med Hauge og hans univers, og i tillegg den store verdslyrikken. Utstillinga er aktivitetsbasert – slå nummeret til Hauge og få eit dikt, dei minste kan leita etter katten til Hauge i utstillinga. Få smakebitar frå den grenselause poesi – alt frå Shakespeare til Madonna. 

 http://www.haugesenteret.no/ohh/no/hauge-senteret/grupper/ohh/no/aktuelt/Artige+aktivitetar+til+ditt+seminar.d25-SxdLY4o.ips

Heim til Olav H. Hauge

Bli med etterkomarane av diktaren heim til garden og huset der Hauge skreiv sine verdskjende dikt. De kan gå i samla tropp frå hotellet og opp til garden og få forteling undervegs, eller få buss-transport. Turen tek i underkant av ein halv time i roleg tempo. Vel framme kan de få enkel servering.

 

 

 

 


Vossamoro

Vossamoro AS arrangerer aktivitetar på hotelltunet for små og store grupper året rundt. Lagbygging er ein lagkonkurranse der 5 ulike praktisk- teoretiske oppgåver skal løysast. Meistermøte er ein aktivitet der laga konkurrerer i sju kjekke øvingar som t.d. stafett med opp-ned briller, økse kasting og pusling.  Alle aktivitetane varar i to timar og vert avslutta med premiering. Eit godt alternativ er å kombinera lagbyggingsaktivitetane med eit fagleg opplegg i regi av EKY Kompetanse.

EKY Kompetanse – "Eg jobbar jo berre her"

EKY Kompetanse lite formatKurs, føredrag og innspel til motivasjon tilpassa akkurat di bedrift eller firma.  EKY Kompetanse har lang erfaring og tilbyr ulike opplegg med fokus på samarbeid og gode arbeidsmiljø, bevisstgjering og ansvarleggjering for administrasjon og tilsette. 

EKY Kompetanse har også samarbeid med Vossamoro der dei tilbyr eit felles opplegg over halv eller heil dag, der det er blanding av aktivitetar og fagleg opplegg.

 Hardanger Base Camp  

I den vesle bygdegrenda Osa, 1 mil frå hotellet, har Belgiaren Robert funne sitt paradis, og han deler det gjerne andre. Med fokus på læring gjennom oppleving, tek han deg med på alt frå tunellekspedisjon i dei gamle krafttunellane, turar i den storslåtte Osa-naturen og konkurranseprega aktivitetar med steinalderen som tema: Båltenning med flint, smak av steinalderkost og kastekonkurranse med steinaldervåpen.

Inne i tunellane kan det også haldast konsertar. I Osa er mogelegheitene mange og unike i sitt slag.

Trolltunga

 

Trolltunga har blitt eit svært populært reisemål for tilreisande frå både inn og utland. Brakanes Hotel kan organisera transport til og frå Skjeggedal (ca 1 time kvar veg) som er startpunkt for dei ulike turane ein kan velja i. Om de er enkeltreisande er det enklast å bestille direkte via nettsida til Trolltunga Active, men om de er fleire kan Brakanes Hotel ta seg av fellesbestilling. Turane ein kan velja i er ingen vanleg sundagstur for folk flest, men krev at ein er i normalt god form og stiller med gode klede og sko. På dei av turane som inkluderer bruk av til dømes sykkel, kajakk, klatre- og særskilt sikringsutstyr, stiller Trolltunga active med dette. Både enkeltreisane, små og store grupper er velkomne til å bli med på tur, og me oppmodar til å gå inn på nettsida for å lese meir om dei ulike turane/aktivitetane og kva som krevs: Trolltunga

Trugetur: Turen går dagleg frå omlag 20.mars til i slutten av mai og tek om lag 10 timar.

Himmelstigen: Turen går dagleg frå 1.juni til 15.oktober og tek om lag 10 timar. På denne turen inngår litt sykling og eit parti der ein klatar på stigeboltar som er festa i fjellet. De blir sjølvsagt utstyrt med sykkel og sikringsutstyr.

Classic Trolltunga: Turen går dagleg frå 1.juni til 15.oktober og tek om lag 10 timar og er den ordinære tur-ruta.

Trolltunga zippen: Turen går dagleg frå 15.mai til 15.oktober og tek om lag 5 timar. Dette er ein perfekt lagbyggingsaktivitet som høver godt for grupper og firma. På denne turen tek ein seg fram med kajakk og sykkel langs og på Ringedalsvatnet før ein går til fots til Tyssebotn der det er tid for lunsj og så tek seg ned att til vatnet via zip-line. Det er verken den raskaste eller lengste linja, men har definitivt den flottaste utsikta.

Turar i vakker vestlandsnatur

Fjella og naturen rundt Ulvik byr på mange flotte turopplevingar. Om du har tid til ein time, eller ein heil dag - mogelegheitene og opplevingane er mange! Ynskjer de å ha med ein lokal kjentmann på turen, ordnar me det! Mjølfjell til Ulvik, Postvegen mellom Ulvik og Granvin, Midtfjell mm. I sommarsesongen kan de også bli betre kjent med alle stølane rundt bygda vår. Stølstrimmen er eit lokalt prosjekt for å gjera innbyggarane betre kjent med stølane samstundes som ein får god trim. Årleg vert det trykt opp kart, slik at ein kan ta seg rundt på eiga hand. Desse turane tek alt frå 3-6 timar.

 Aktivitetssenter

I sommarhalvåret er det enkelt å vera aktiv i Ulvik. Eit aktivitetssenter som er lokalisert på Ulvik Hotel, om lag 300m frå Brakanes, tilbyr allslags utandørs aktivitet for små og store, enkeltreisande og grupper. Her kan du leige sykkel og kajakk, med eller utan guide. Du kan gå quiz-løypa i sentrum, eller skyte med pil og boge på innandørs bane.
Aktivitetssenteret tek deg også med på mange ulike utflukter, både inne i mørke tunellar eller på tur ute i den vakre naturen.

Hjeltnes Vidaregåande Skule

Det har vore dreve gartnarskule / hagebruksskule på Hjeltnes sidan 1901. Skulen er ein av få som framleis driv både med utdanning og planteproduksjon. Skulen tilbyr  grøne opplevingar der ein får høyra om skulen si historie, skulen i dag, samt ei vandring i parken med innslag av både planter, stein og vatn.

 

 

Ulvik Idrottslag – Drevtjørn Skianlegg, Holmen idrettsanlegg og Solsæ turløype

Flotte, preparerte skiløyper 15 min frå hotellet med bil og idrettsanlegg med grasbane, tennisbane og sandvolleyballbane.






 

 

 

Ulvik Vasskiklubb

Ulvik Vasskiklubb held til rett ved sida av idrettsbanen og tilbyr vannskikøyring for store og små på alle nivå. Dei tilbyr også turar på bananbåt, ring og andre kjekke vass-aktivitetar.




 

 

Hardanger OpplevelseLagbyggingsaktivitetar på hotellområdet tilpassa alle. 

 

 

Brakanes Hotel Group